MKUU WA WILAYA YA MBEYA DKT,. CHUACHUA AZINDUA RASMI KAMPENI YA CHANJO YA POLIO JIJINI MBEYA

Imewekwa Tarehe: December 1st, 2022

Mkuu wa Wilaya ya Mbeya Dkt. Rashid Chuachua leo amezindua rasmi chanjo ya polio awamu ya nne kwa watoto wenye umri chini ya miaka mitano uzinduzi huo umefanyika kwenye kata ya Mabatini JijiniMbeyana kampeni hiyo inatarajia kukamilika Disemba 4, 2022.

Akizungumza katika uzinduzihuoDkt. Chuachua amemshukuru Rais wa Jamuhuri ya Muungano wa Tanzania Dkt. Samia Suluhu Hassan kwa jitihada zake za kulinda afya za Watanzania licha ya kwamba ugonjwa huo haujaingia nchini Tanzania bali umeanza kuleta athari  katika nchi jirani ya Malawi ambapo Tanzania imeona kuna umuhimu wa kuanza kampeni ya kutoa chanjo ili kuzuia uwezekano wa kuibuka kwa ugonjwa huo nchini.

Aidha Dkt. Chuachua ametoa wito kwa wananchi wa Wilaya ya Mbeya kuhakikisha watoto wote wanapata chanjo dhidi ya ugonjwa wa Polio ugonjwa hatari unaoweza kusababisha ulemavu  kwa watoto.

Kwa upande wake Mganga Mkuu wa Halmashauri ya Jiji la Mbeya Dkt Jonas Lulandala amewashukuru wananchi kwa kuipokea chanjo na kuingia kwenye utekelezaji kwa kuwapeleka watoto wao kupata chanjo ambapo pia amewaomba wazazi kuendelea kujitokeza kwa wingi kwenye zoezi hilo.

Mratibu wa chanjo Jiji la Mbeya Zuhura Mohammed ameeleza kuwa watoto wote walio na umri chini ya miaka mitano watapatiwa chanjo hiyo kwa njia ya matone na zoezi hilo litafanyika nyumba kwa nyumba na watoto wote waliopatiwa chanjo watawekewa alama kwenye vidole vyao na kila nyumba ambayo watoto wamepatiwa huduma hiyo ya chanjo zitawekewa alama ili kuonesha kwamba watoto wamepatiwachanjo  ya Polio.

Ikumbukwe kuwa kampeni hiyo imeanza leo Disemba 1 na kukamilika Disemba 4 mwakahuu na inatarajiwa watoto takribani laki moja watapati wachanjo hiyo JijiniMbeya.