TULIOPEWA DHAMANA NA MHE.RAIS KUSIMAMIA SEKTA YA ARDHI TUWATENDEE HAKI WANANCHI-WAZIRI SLAA

Imewekwa Tarehe: April 16th, 2024

Waziri wa Ardhi Nyumba na Maendelea ya Makazi Mhe. Jerry Slaa amewataka watumishi wa ardhi nchini kuwa waadilifu na hofu ya Mungu kwa kutenda haki hasa wanaposuluhisha  migogoro ya ardhi kwa wananchi.

Ameyasema hayo akifungua kliniki ya ardhi Mkoa wa  Mbeya itakayodumu ndani ya siku tatu kuanzia Aprili 15 hadi Aprili 17,2024,ambapo  amewakuwakumbusha watumishi wa kutenda haki kwa wananchi na kuweka hofu ya Mungu,kwani kushindwa kutatua jambo ambalo lipo ndani ya uwezo wako ni kumkosea Mungu .

Aidha Mhe. Slaa ameendelea kusisitiza kufanya kazi kwa kumsaidia Mhe. Rais Dkt. Samia Suluhu Hassan lakini pia kufanya kazi kwa ajili ya wananchi katika upande wa ardhi ili kupunguza kero na migogoro isiyokuwa na ulazima katika jamii.

Kwa upande wake Mkuu wa Mkoa wa Mbeya Mhe. Juma Homera amempongeza Mhe. Slaa kwa kuitumikia vyema sekta ya ardhi kwa kutatua migogoro mbalimbali nchini ikiwa ni moja ya jitihada za kumsaidia Mhe. Rais kwa vitendo.

Kliniki hiyo ya Ardhi imeanza leo Aprili 15 ambapo wakazi wa Mkoa wa Mbeya watapata huduma ya sikilizwa na kutatua changamoto mbalimbali zinazohusu ardhi.