WAANDIKISHAJI WA UCHAGUZI WAAPISHWA JIJINI MBEYA

Imewekwa Tarehe: October 8th, 2024

Halmashauri ya Jiji la Mbeya leo Oktoba 8,2024 imefanya zoezi la kuwaapisha waandikishaji wa uchaguzi zaidi ya 200 ngazi za mitaa katika kuelekea zoezi la uandikishaji  wananchi kwenye daftari la kudumu la wapiga kura

Zoezi hill  limefanyika katika Ukumbi wa Mkapa Jijini hapa kwa  kula kiapo mbele ya  Hakimu wa Mahakama wa Wilaya Mkoa wa Mbeya .

Awali akizungumza baada ya kuapishwa ,  Msimamizi msaidizi wa uchaguzi Jiji la Mbeya  ,Oddo Nduguru amewataka waandikishaji kuepuka matendo ambayo yatakuwa yanakwenda kinyume na maadili wakati wa kuendesha zoezi hilo ili kutunza siri  za kiapo walichopewa.

"Tunaelekea  zoezi la Uandikishaji Daftari la kudumu la wapigakura litakaloanza Oktoba 11 mpaka 20 mwaka huu tunaomba wakawe wavumilivu kwa siku 10 za kuendesha zoezi hilo kwa kuzingatia kìapo na kufanya kazi kwa weledi"amesema.

Oddo amesema kitendo hicho kinaweza kuzua taharuki kwa jamii na kusisitiza kuzingatia miiko ya kanuni za uchaguzi na muda ulipangwa kuwasili kwenye vituo.

Ofisa uchaguzi Jiji la Mbeya ,Gregory Emmanuel ametoa maelekezo ya ushiriki katika zoezi la  uandikishaji sambamba na kuzingatia elimu ya semina  elekezi waliyopewa .

Naye  Ofisa mtendaji kata ya Sisimba ,na Msimamizi msaidizi wa uchaguzi,ametoa maelekezo ya maswali yasiyostahili  kuhojiwa wapigakura kama  ,udini ,ukabila ,ufuasi wa vyama na ajira.

Aidha amefafanua kuwa majengo yasiyo stahili kuandikisha wapigakura  misikiti,makanisa ,magereza na miundombinu ya ofisi za  vyama vya siasa

Aidha ametoa maelekezo ya wasimamizi wa uchaguzi kutowatilia mashaka  mawakala wa vyama vingine vya upinzani kwani wana haki ya kushiriki kuona mwenendo wa   zoezi hilo

Mwisho.