WAZAZI WAHAMASISHWA KUBORESHA HUDUMA YA CHAKULA SHULENI

Imewekwa Tarehe: March 28th, 2024

Halmashauri ya Jiji la Mbeya kwa kushirikiana na muwezeshaji wa mifumo  ya chakula ya shirika la HELVETAS wametoa elimu ya umuhimu wa huduma ya utoaji chakula shuleni katika Kata za Iduda na Mabatini ili kuboresha lishe ya wanafunzi na kuinua kiwango cha ufaulu.

Elimu hiyo imetolewa  tarehe 27- 28 Machi, 2024 ikiwa ni muendelezo   wa utoaji elimu  kwa wazazi wa wanafunzi wa shule za msingi na sekondari katika kata hizo ambayo imewezesha  kufikia muafaka wa kuchangia  chakula cha wanafunzi ili kulinda haki ya mwanafunzi ya kupatiwa huduma muhimu na kuongeza kiwango na ufaulu na hatimaye kupata wataalam wa kuendeleza taifa.

Mmoja wa wazazi wa wanafunzi wanaosoma Shule ya Sekondari Iduda, Bw. Patrick Mtewele amesema, mpango wa utoaji huduma ya chakula shuleni ameupokea kwa furaha kwakuwa utaleta matokeo chanya, kwani bila kufanya hivyo ni kuwatesa watoto wanaotoka nyumbani asubuhi na kurudi jioni bila kupata chakula huku watoto waliobaki majumbani wakipata milo kamili asubuhi na mchana.

“Ni mateso makubwa na ni dhambi mbele za Mungu kushindwa kuwachangia chakula watoto wetu ambao Mungu ametujalia kama baraka, tunawashukuru wataalam kutoka Halmashauri na Mwezeshaji wa Mifumo ya Chakula wa shirika la Helvetas kutufafanulia faida za wanafunzi kupatiwa chakula katika muda muafaka”amesema Bw. Mtewele.

Kwa upande wake Bi. Neema Mwaitebele, mmoja wa wazazi wa wanafunzi wanaosoma  Shule ya Sekondari Mabasini iliyopo Kata ya Mabatini amesema, huduma ya utoaji chakula shuleni ni jambo la muhimu na imejidhihirisha kwenye matokeo ya ufaulu wa kidato cha pili kutokana na muamko wa wazazi  kuchangia chakula cha wanafunzi.

“Mimi kwangu hili suala ni muhimu na lazima matokeo waliyoyapata watoto wetu wa kidato cha pili yalikuwa mazuri, kwanini turudi nyuma, kukwamisha mpango huu ni kuhujumu matokeo mazuri ya ufaulu ya watoto wetu, hii haikubaliki”, ameeleza Bi. Mwaitebele.

Aidha Madiwani wa Kata hizo mbili Mhe.Patrick Mbilinyi(Kata ya Mabatini) na Mhe.Pishon Mwanibhanza (Kata ya Iduda) wamesema huduma hii kwenye Shule za Msingi inatolewa kwa kiwango cha chini, hivyo kupitia vikao wanatarajia kupiga hatua na kuboresha huduma  wakati shule zitakapofunguliwa baada ya likizo ya Pasaka.

 Wazazi, Madiwani na kamati ya chakula sambamba na wajumbe wa bodi za shule wameazimia kwa pamoja kuwachukulia hatua za kisheria ikiwa na kuwafikisha kwenye mabaraza ya Kata na mahakamani wale wote watakaokwamisha mpan