WILAYA YA MBEYA YATEKELEZA AGIZO LA RAIS YAKABIDHI VISHIKWAMBI 1835 KWA WALIMU.

Imewekwa Tarehe: January 14th, 2023

Serikali ya Wilaya ya Mbeya imetekeleza agizo la Rais wa Jamhuri ya Muungano wa Tanzania Mh.Dkt Samia Suluhu Hassan kwa kugawa vishikwambi 1835 kwa walimu wa shule za msingi na sekondari wa Halmashauri ya jiji la Mbeya kwenye hafla iliyofanyika ukumbi wa Mkapa.

Akiongea wakati wa hafla hiyo ya kukabidhi vitendea kazi hivyo Mkuu wa Wilaya ya Mbeya Mh.Dkt Rashid Chuachua amesema wamezingatia agizo hilo lenye lengo la kuisaidia sekta ya elimu kuondoka kwenye makaratasi na kufuata ulimwengu wa kisasa kwa vile mambo mengi ya shule yaimeingia kwenye mifumo ya kompyuta kwa kusajili wanafunzi na taratibu zingine za kielimu.

Aidha Mkuu huyo wa Wilaya ya Mbeya amempongeza na kumshukuru Mh.Dkt Samia Suluhu Hassan kwa kuijali sekta ya elimu kwa kuboresha miundombinu ya kufundishia na kujifunzia kufuatia kukamilika kwa miradi ya ujenzi wa madarasa nchi nzima hali iyopelekea kutokuwepo kwa changamoto ya wanafunzi kukosa masomo kwasababu ya uhaba wa madarasa.

Nao walimu Bi.Gloria Chelewa na Bw Ambrosi Ngajilo wameishikuru serikali kwa kuwapatia vikwambia na wameahidi watakwenda kuvitua kwa malengo yaliyokusudia hasa katika kuboresha utendaji kazi wao wa kila siku na kupunguza au kuondosha kabisa usumbufu wa kubeba makaratasi kwenye kipindi cha kusajili wanafunzi na kuwasilisha taarifa pindi zinapohitajika kwenye ngazi mbalimbali.

Mtakwimu wa Halmashauri ya Jiji la Mbeya Cosma Kihovecho amesema vishikwambi hivyo 1835 vilivyo tumika kwenye zoezi la uandikishaji sensa vimetolewa kwa ajili ya kuwasaidia walimu kurahisha ufundishaji ,utoaji na uwasilishaji taarifa na uwekaji wa takwimu sahihi katika shule zao.

Mwisho