WILAYA YA MBEYA YAZINDUA KAMPENI YA KUHAMASISHA CHANJO YA POLIO

Imewekwa Tarehe: September 18th, 2023

Mkuu wa Wilaya ya Mbeya Mh. Beno Malisa amezindua kampeni ya Chanjo ya Matone dhidi ya ugonjwa wa Polio zoezi linalotarajia kuanza Septemba 21 mpaka Septetmba 24 kwenye Halmashauri zote mbili zilizopo katika Wilaya ya Mbeya.

Akizungumza na watumishi wa Halmashauri ya Jiji la Mbeya sambamba na watumishi wa Halmashauri ya Mbeya Mh.Beno Malisa amewataka watumishi hao kutenga na kupanga mikakati ya kuhakikisha kila mwananchi anayeishi kwenye Wilaya ya anapatata taarifa juu ya Chanjo ya polio na faida ya Chanjo hiyo watoto waliochini ya umri wa miaka nane.

Mh.Malisa ameongeza kuwa katika kufanikisha zoezi la Chanjo Wilaya ya Mbeya imeunda timu zaidi ya mia tano ambazo zitafanya kazi ya kuhakikisha kila mtoto mwenye umri chini ya miaka nane atapatiwa chanjo ya polio ili kuwa na wananchi wajao wenye afya waliotayari kuzijenga familia zao na nchi kiujuma kwa kuwawezesha kuwakinga na ugonjwa huo unaosababisha kupooza,ulemavu na kupelekea kifo.

“Tukifanikiwa kuwapatia chanjo ya polio watoto waliochini ya umri wa miaka nane tutakuwa tumeliwezesha taifa kuwa na wazazi wajao wenye afya na wasio tegemezi kutokana na madhara ya ugonjwa wa polio hivyo watumishi na wananchi tuhimizane kuhakikisha zoezi hili linamfikia kila mlengwa”amesema Mkuu wa Wilaya ya Mbeya.

Kwa Upande mratibu wa Chanjo Halmashauri ya Jiji la Mbeya Bi.Zuhura Mohamed amesema wamejipanga vizuri kuwa hudumia chanjo watoto waliochini ya umri wa miaka nane na tayari wameanza kampeni hiyo ya kuhamasisha kwa kutumia vyombo vya habari na mitandano ya kijamii iliyopo jijini Mbeya na nje ya jiji kwa lengo la kufikisha ujumbe jamii.

Bi. Zuhura amewasihi wakazi wa jiji la Mbeya kujitokeza kwenye maeneo yaliyohainishwa katika kutoa huduma ya chanjo ikiwemo vituo vya afya, nyumba za Ibada yaani M    isikitini ,Makanisani ,Mashuleni na zoezi hilo litapita nyumba kwa nyumba lengo likiwa kumkinga mtoto na ugonjwa wa Polia ambao hauna tiba.

Kuanza kwa zoezi la chanjo Septemba 21 mpaka Septemba 24 kwenya mikoa ya Mbeya ,Songwe,Katavi na Kagera kumetokana kuonekana kwa dalili za kuwepo kwa ugonjwa huo ,katiaka baadhi ya maeneo wamepatikana wagonjwa baada ya kuchukuliwa sampuli na kubainika watu hao wamepatwa na ugonjwa wa Polio.