WAKAZI WA MKOA WA MBEYA KUPIMA AFYA BURE TAREHE 14/10/2017 MPAKA 18/10/2017

09 October 2017

Mkuu wa Mkoa wa Mbeya Mh. Amos Gabriel Makalla kwa kushirikiana na Ofisi ya Mganga Mkuu wa Mkoa wa Mbeya,Tulia Trust na wadau Mbalimbali anawakaribisha wananchi wote wa Mkoa wa Mbeya katika zoezi la upimaji Afya bure katika Viwanja vya CCM Ruanda Nzovwe kuanzia Tarehe 14/10/2017 mpaka 18/10/2017, Zoezi hilo litaendeshwa na Madaktari Bingwa wa Magonjwa mbalimbali.

Huduma zitzkazotolewa ni pamoja na Tohara kwa wanaume, ushauri wa upimaji wa VVU, Huduma za Macho, Kisukali, Uzito, Upimaji wa Kansa ya Mlango wa Shingo ya Kizazi na Matiti, Huduma za Kinywa na Meno,Uchangiaji wa Damu na Msukumo wa Damu.

Zoezi la upimaji wa Afya bure utaanza saa mbili asubuhi na kuendele kila siku kuanzia tarehe 14/10/2017 mpaka tarehe 18/10/2018 Hivyo wananchi wote mnaombwa kufika kwaajili ya kupima Afya zenu bure.

Siku ya uzinduzi wa zoezi la upimaji wa Afya kutakua na mbio zitakazoanzia Stendi ya Mabasi Kabwe saa moja asubuhi  mpaka VIwanja vya Ruanda Nzovwe.