TUME HURU YA UCHAGUZI IMEWATAKA WASAIDIZI WA UCHAGUZI KWENYE MAJIMBO MBEYA MJINI NA UYOLE KUZINGATIA MAFUNZO WALIYOPEWA

Imewekwa Tarehe: August 5th, 2025

Tume Huru ya uchaguzi imewataka wasimamizi wasaidizi wa uchaguzi kwenye majimbo ya Mbeya Mjini na Uyole kuzingatia mafunzo wanayopewa ili kuisadia tume hiyo kutimiza malengo yake ya kutenda haki katika uchaguzi mkuu ujao na kuleta maana sahihi ya uchaguzi uhuru na haki.

Hayo yameelezwa na Mwenyekiti wa Tume Huru ya Taifa ya Uchaguzi,Mhe.Jaji Rufani Jacobs Mwambegele katika mafunzo kwa wasimamizi wasaidizi yanayoendelea kwenye ukumbi wa Mkuu wa Wilaya ya Mbeya ambapo amewataka wasimamizi hao kutekeleza majukumu yao kwa weledi.Mwenyekiti huyo wa tume huru ya taifa ya Uchaguzi ameongeza kuwa lengo la tume huru kuwapatia mafunzo hayo ni kuhakikisha uchaguzi una kuwa wa uhuru na haki.

‘‘Tume inawaamini mna uwezo wa kutekeleza jukumu hili kwa weledi mnapokwenda kutekekeleza jukumu hili msiivunje imani ya tume juu yenu’’amesema Mwenyekiti wa Tume Huru ya Taifa ya Uchaguzi Mhe.Jaji Rufani Jacobs Mwambegele.

Aidha Jaji Mwambegele amewasisistiza wasimamizi hao wa Jimbo la Mbeya Mjini na Jimbo la Uyole ambayo yote yako kwenye Halmashauri ya Jiji la Mbeya muda wote wanapotekeleza majukumu yao wafuate sheria,kanuni,taratibu na maelekezo  watakayopewa na tume na waspokee maelekezo utoka kwingine isipokuwa kwa maelekezo kutoka Tume Uhuru ya Taifa ya Uchaguzi.

Kwa upande wake msimamizi wa uchaguzi Jimbo la Mbeya Mjini na Uyole Bi.Annamary Joseph amemuahidi Mwenyekiti wa Tume Huru ya Taifa ya  Uchaguzi Mhe.Jaji Rufani Jacobs Mwambegele kuwa watakwenda kuzingatia mafunzo na maelekezo yote katika kutekekeleza majukumu yao.

Uchaguzi Mkuu unaohusisha uchaguzi wa Rais,Wabunge na Madiwani unatarajia kufanyika tarehe 29 mwezi Oktoba 2025 nchini kote ilikuchagua viongozi watakaoongoza maeneo hayo watakao dumu madarakani kwa kipindi cha miaka mitano kuanzia mwaka 2025 mpaka mwaka 2030.