VIRUSI DHIDI YA SARATANI YA MLANGO WA KIZAZI VYAPATA UFUMBUZI

23 April 2018

Wizara ya Afya, Maendeleo ya Jamii,Jinsia,Wazee na Watoto kwa kushirikiana na Shirika la Afya Duniani “WHO” na wadau wa Afya imeanzisha kinga ya chanjo dhidi ya Saratani ya mlango wa kizazi “HPV” – Vaccine (Human Papiloma Virus) nchini Tanzania.

Chanjo hii itatolewa kwa watoto wa kike wenye umri wa kuanzia miaka 9 hadi 14 ambao kimsingi ndio walengwa wa chanjo hii.Watoto hawa kulingana na umri wao wanakua hawapo kwenye hatari ya kupata maambukizi ya virusi vya ugonjwa huo kutokana na uwezekano mkubwa wakutojihusisha na matendo ya kujamiana.

Hivyo kulingana na tafiti wanawake waliojiingiza kwenye vitendo vya kujamiaana hususani katika umri mdogo wanakua katika hatari kubwa ya kupata saratani ya mlango wa kizazi kutokana na vijidudu vinavyozalishwa katika sehemu za uke wa mwanamke na kupelekea hata ukiwapatia chanjo hii isiwasaidie kwani vijidudu vinakua tayari vimeshazalishwa kwenye mlango wa kizazi cha mwanamke.

Wanawake hawa wenye umri mdogo wakipatiwa chanjo hii kunauwezekano mkubwa wa kuwakinga wasipate maambukizi ya ugonjwa huo wa saratani ya mlango wa kizazi kwani kinga hiyo itawasaidia wasichana hawa kutoshambuliwa na virusi vya ugonjwa huu.

Kwasasa chanjo hii itatolewa kwa wasichana wa umri wa miaka 14 na wengine watapatiwa hapo baadae,zoezi hili ni endelevu na halina gharama yoyote.Wananchi wote wa Jiji la Mbeya mtapata chanjo hii kuanzia tarehe 23/04/2018 na itaendelea kutolewa katika vituo vyote vya tiba, lakini pia chanjo hii itatolewa kwa njia ya huduma ya Mkoba kwa shule 133 za msingi na sekondari.