MRADI WA KUENDELEZA MIJI YA KIMKAKATI TANZANIA UNAENDELEA JIJI LA MBEYA

13 June 2018

Wananchi wa Halmashauri ya Jiji la Mbeya mnataarifiwa kua mradi mkubwa wa kuendeleza miji ya kimkakati (TSCP) unaendelea katika Jiji la Mbeya ambapo kwa sasa kuna ujenzi mkubwa wa barabara pamoja na mifereji ya maji ya mvua katika maeneo mbalimbali ya Jiji.

Halmashauri ya Jiji la Mbeya tayari imeshaingia kandarasi na Kampuni ya China Railway Seventh Group Co. ltd tarehe 01/06/2018 yenye thamani ya shilingi za kitanzania 12,837,041,629.29 kwaajili ya ujenzi huo wa Barabara, Mifereji, Vibanda vya kupumzikia abiria pamoja na maandalizi ya mpango mkubwa wa mifereji ya maji taka.

Miongoni mwa barabara ambazo zinatengenezwa ni pamoja na Barabara ya MUST inayopitia eneo la Viwandani TBL, PEPSI na COCACOLA yenye urefu wa km 2.76, Barabara ya Sae –Tanesco Kisanji 0.86, Barabara ya Legico mpaka Kanisa la KKT yenye urefu wa km 0.37, Barabara ya Ilomba –Ivumwe mpaka relini yenye urefu wa km1.87 na Barabara ya New Forest yenye urefu wa km 0.81

Pia kutakua na ujenzi wa mfereji wa maji ya mvua utakaopitia Uwanja wa ndege wa zamani-Barabara ya Mahakama, Sinde mpaka mto wa Isyesye wenye urefu wa km 2.88

Sambamba na hilo kutakua na ujenzi wa Vibanda vya kupumzikia abiria Stendi ya Mabasi ya nanenane.

Kwa mujibu wa Mkataba Mkandarasi anakipindi cha mwezi mmoja tokea aliposaini mkataba kwaajili ya maandalizi ya ujenzi, hivyo wananchi wote mnaombwa kutoa ushirikiano kwa wakandarasi na wahandisi popote pale watakapokua wanatekeleza ujenzi tajwa hapo juu, ujenzi huu ni kwaajili ya maendeleo ya Jiji letu la Mbeya.