WATAHINIWA 4078 JIJI LA MBEYA KUFANYA MTIHANI WA KIDATO CHA SITA NA UALIMU KUANZIA TAREHE 07/05/2018 MPAKA 24/05/2018

06 May 2018

Mtihani wa Kidato cha sita na wa kozi ya ualimu unatarajiwa kuanza tarehe 07/05/2018 mpaka tarehe 24/05/2018 kote nchini Tanzania ikijumuisha Tanzania bara na Tanzania visiwani.

Kwa upande wa Halmashauri ya Jiji la Mbeya Maandalizi yake yamekamilika kwa asilimia mia moja huku jumla ya watahiniwa 4078 wanatarajiwa kufanya mtihani huo.

Katika watahiniwa hawa watahiniwa 2561 ni wale walioshuleni (School candidate), 1276 watahiniwa wa kujitegemea (Private candidate) na 241 ni watahiniwa wa mitihani ya ualimu.

Akizungumzia mtihani huo Kaimu Afisa Elimu Sekondari wa Halmashauri ya Jiji la Mbeya Bw. Abu John amesema Halmashauri ya Jiji la Mbeya ina jumla ya vituo 23 vya kufanyia mtihani huo. Huku kukiwa na jumla ya wasimamizi 161 wa mtihani huo ambapo wasimamizi wakuu ni 28 na wasimamizi wasaidizi wakiwa 103 na wasimamizi waandaaji wa mtihani ya vitendo ni 30.

Vituo vitakavyohusika na mtihani huo kwa upande wa watahiniwa walio shuleni ni pamoja na Iyunga jumla ya watahiniwa 252, Loleza 433, Mbeya 291, Sangu 277, Meta 202, Igawilo 112, Ivumwe  222, Itende 79, Nazarene 4, S/Highland 55, Aggrey S.S 80, M/Mbeya 24, Aiport 32, Uwata Boys 200, Vanesa 8, H/Uwata 140, Samora 130, Jifunzeni 20.

Watahiniwa wa kujitegemea vituo vyake ni Iyunga watahiniwa 150, Loleza 196, Mbeya 294, Sangu 122, Meta 106, Igawilo 27, Ivumwe 163, Itende 60, S/Highland 74, Aggrey 28, M/Mbeya 47 na Vanesa watahiniwa 9.

Kwa watahiniwa wa mtihani wa Astashahada ualimu vituo ni Aggrey watahiniwa 71, Teku 51, Luth 44, Moravian 51 na SAUT 14. Watahiniwa wa ngazi ya Stashahada Kituo ni  Aggrey watahiniwa 10.

Bw. Abuu aliongeza kwa kusema kua hali ya ulinzi na usalama wa mtihani huo itakua shwari kwani kila kituo cha kufanyia mtihani huo kitakua na askari wawili wa usimamizi, mwisho amewatakia wanafunzi wote mtihani mwema.