BILIONI 21.5 KUJENGA BARABARA ZA MITAA KIWANGO CHA LAMI JIJINI MBEYA

Imewekwa Tarehe: October 26th, 2023

Halmashauri ya Jiji la Mbeya inatarajia kutumia zaidi ya Sh 21 bilioni kwa ajili ya ujenzi wa barabara za ndani zenye urefu wa kilometa 12.3 .

Mstahiki Meya wa Jiji la Mbeya Dourmohamed Issa amesema leo Alhamis Oktoba 26,2023 wakati wa mkutano wa kutoa taarifa ya kaunza utekelezaji wa Mradi Uboreshaji Miundimbinu ya Miji na Kuongeza Ushindani kwenye Uwekezaji kupitia mradi wa( TACTIC)

Issa ameishukuru Serikali ya awamu ya sita na kwamba Jiji la Mbeya kinakwenda kuwa la kisasa sambamba na mradi wa barabara njia nne ambao utekelezaji wake umeanza

“Nimshukuru Rais Samia Suluhu Hassan na Spika wa Bunge na Mbunge wa Mbeya ,Dk Tulia Ackson kwa ufuatiliaji wake na kufukia hatua ya Leo hii kuanza utekelezaji ”amesema.

Issa amesema uwepo wa Mradi hiyo itapunguza msongamano wa magari katika barabara kuu eneo la kabwe na hivyo kuchangia kuchanga kwa fursa za kiuchumi kwa jamii .

Mradi huo ambao utasimamiwa na Wakala wa Barabara za Vijiini na Mijini(Tarura)na kutekelezwa na kampuni ya Chonging International Construction Corparation ,ambapo awali Septemba 23 mwaka huu Mstahiki Meya wa Jiji la Mbeya walikwenda kusaini mkataba jijini Dar es Salaam.

Akifungua Mkutano huo Mkuu wa Wilaya ya Mbeya ,Beno Malisa amesema Mkoa wa Mbeya unakwenda kupiga katua za haraka huku akiwataka Madiwani kueleza wananchi miradi inayotekelezwa na Serikali.

“Madiwani isemeeni Serikali haya inayoyafanya katika kuboresha miradi ya Maendeleo kwani Jiji la Mbeya linakwenda kuwa la kisasa ,na hadhi ya kipekee kwa kujenga barabara njia nne na hizo za ndani zenye urefu wa kilometa 12.3.