JIJI LA MBEYA KUANZA KUTOA CHANJO YA POLIO TAREHE 1-4 MWEZI DISEMBA MWAKA HUU

Imewekwa Tarehe: November 25th, 2022

Halmashauri ya jiji la Mbeya inatarajia kuanza kampeni ya chanjo ya polio  awamu ya nne  itakayoanza tarehe 1 – 4  mwezi Disemba  mwaka huu ambapo watoto Zaidi ya  1,00000 wanatarajiwa kufikiwa na chanjo ya polio.

Akizindua kikao cha kuelekea kampeni ya chanjo ya polio na ugawaji wa chanjo ya magonjwa yasiyopewa kipaumbele mkuu wa wilaya ya Mbeya ambae pia ni mwenyekiti wa  kamati ya afya msingi wilaya  Dkt. Rashid Chuachua amesema hii ni hatua kubwa kwa ajili ya kupambania afya za watanzania chanjo hiyo itasaidia kuwakinga watoto juu ya ugonjwa polio  na kuwataka wananchi wote  wa Mbeya kujitokeza kuwapeleka watoto wao chini ya miaka 5  kupata chanjo hii kwa ajili ya kuhakikisha kwamba watanzania wanaepukana na ugojwa wa pilio unaoweza kusababisha ulemavu kwa watoto.

Kwa upande wake Dkt. Jonas Lulandala mganga mkuu wa halmashauri ya jiji la Mbeya ameeleza kuwa   ugonjwa wa polio uliibuka nchini Malawi ambapo kwa nchini Tanzania  kampeni ya chanjo ya ugonjwa polio  ilianza mezi  Machi waka huu huku lengo kubwa ni kuwakinga watoto ili wasiambukizwe na ugojwa hatari wa polio.

Mratibu wa chanjo jiji la Mbeya Zuhura Mohammed amesema kuwa wanachi waendelee kutoa ushirikiano kwa wahudumu wa afya watakao pita nyumba kwa nyumba , kama awamu zilizopita za kampeni hiyo ambapo wazazi wenye watoto chini ya uri wa miaka 5 waweze kuhurusu watoto wao kupata chanjo ya polio.

Ikumbukwe kuwa ugonjwa wa polio uliibuka nchini Malawi mnamo mwezi wa Februari  mwaka huu, ambapo Tanzania imewekeza nguvu kutoa kinga  kwa wananchi wake ili kudhibiti uwezekano wa kuibuka kwa mlipuko  wa ugonjwa huo.