KAMATI MBEYA ZAKAGUA MIRADI YA MWENGE WA UHURU

Imewekwa Tarehe: May 18th, 2024

Kamati ya Ulinzi na Usalama  ya Mkoa  na Wilaya ya Mbeya   zimefanya ziara ya kupitia na kukagua miradi yote itakayotembelewa, kuwekewa jiwe la msingi  na kuzinduliwa  na Mwenge wa Uhuru katika Halmashauri ya Jiji la Mbeya.

Ziara hizo zimefanyika tarehe  17 na 18 Mei 2024  kwa kutembelea miradi mbalimbali na kuridhishwa na miradi hiyo na kisha kutoa maelekezo ya maboresho katika baadhi ya maeneo yanayotakiwa kufanyiwa marekebisho.

Miradi hiyo ni pamoja na kikundi cha vijana wanaojishughulisha na utengenezaji wa mikate, mradi wa kituo cha starehe na burudani (City park), mradi wa karavati la midomo miwili, ujenzi wa shule mpya ya sekondari Nsalaga , ujenzi wa wa jengo la wagonjwa wa dharula pamoja na wodi za kike na kiume za wagonjwa katika hospitali ya  Igawilo  na  vyanzo viwili vya maji.

Miradi hiyo inalenga kuinua sekta  ya uchumi kwa Jiji la Mbeya  lakini pia kuboresha upatikanaji wa huduma za kijamii kwa wakazi wa maeneo husika kwani Halmashauri imesogeza huduma hizo karibu ili kupunguza kero kwa wananchi wa Jiji la Mbeya.

Mwenge wa uhuru unatarajiwa kupokelewa  Agosti, 2024  jijini  Mbeya  ambao utakwenda sambamba na kukagua na kuzindua miradi mbalimbali ya maendeleo.