RC DENDEGO AONGOZA MATEMBEZI VIVUTIO VYA KITALII MKOANI IRINGA

Imewekwa Tarehe: November 10th, 2022

Mkuu wa Mkoa wa Iringa Mheshima Halima Dendego ameeleza kuwa uwepo wa vivutio vizuri na vya kipekee vya Utalii katika mikoa ya Kusini mwa Tanzania ni fursa kwa wananchi wa mikoa hiyo kuendelea kunufaika kiuchumi kutokana na shughuli za utalii zinazofanyika.

Dendego ameyasema hayo leo Novemba 10, 2022 mkoani Iringa alipokuwa akitembelea baadhi ya vivutio vinavyo patikana katika mkoa huo ikiwa ni mwendelezo wa kutangaza vivutio vinavyo patikana   katika mikoa kumi ya Kusini ambayo ni Iringa, Mbeya, Njombe, Ruvuma, Mtwara, Lindi, Morogoro, Songwe, Rukwa na Katavi.

Aidha Mkuu wa mkoa huyo ameeleza kuwa uwepo wa vivutio vizuri na vya kipekee vya Utalii katika mikoa ya Kusini mwa Tanzania ni fursa kwa wananchi wa mikoa hiyo kuendelea kunufaika kiuchumi kutokana na shughuli za utalii zinazofanyika

Dendego anaongeza kuwa ni muda wa  wadau mbalimbali wa Utalii kuendelea kuunga mkono juhudi za Serikali kwa kutangaza vivutio vya utalii vilivyoko katika mikoa ya Nyanda za Juu Kusini ikiwemo Hifadhi ya Taifa Nyerere ambayo ni kubwa kuliko zote Tanzania na Afrika ,Hifadhi za Taifa Ruaha, Mikumi, Udzungwa, Kitulo na Katavi.

Kwa upande wao baadhi ya wadau wa utalii ambao waliungana kutembelea vivutio hivyo wameshauri serikali kuendelea kutoa elimu kwa vijana namna ya kutunza na kuthamini vivutio vilivyopo kwenye jamii inayo wazunguka.