WADAU WAENDELEA KUTOA MSAADA KWA WAHANGA WA MAPOROMOKO ITEZI

Imewekwa Tarehe: April 20th, 2024

Wadau Jijini Mbeya wameendelea kuwafariji wahanga wa maporormoko ya tope Itezi Mbeya, ambapo  kampuni ya Gr City Company limited imetoa kilo 500 za mchele, kilo 150 za unga na mafuta ya kupikia  lita 30 huku kwa upande wa machifu mkoa wa mbeya wakitoa unga,mchele na maharage.

Akieleza Mkurugenzi wa Kampuni ya Gr City inayojihusisha na biashara ya hoteli Jijini Mbeya, Machemba Gomano  amesema kuwa   wameguswa na  kilichotokea siku za kadhaa zilizopita huku akisistiza kuwa kuendelea kuwa na subira hasa kwa kipindi hiki kigumu.

Kwa upande wa machifu wakiongozwa na Chifu Rocket Mwanshinga amesema maafa hayo yaliyojitokeza hapana budi kuendelea kumuomba mungu kwa pamoja   huku wakichangia  mahitaji ya chakula  ikiwa  ni moja ya kuwafariji wahanga hao.

Pamoja na  hayo diwani wa Kata ya Itezi  Mhe. Sambwe Shitambala  ameendelea kutoa shukrani kwa wadau wanaoendelea kuguswa na maafa ambapo amesema kaya 16 ambazo zimepoteza mali zote watapatiwa na magodoro na fedha  kwa ajili ya kuwasaidia kujikimu kwa kipindi hiki.

Ayoub Mwakijaja ambaye ni Mhanga ameishikuru Serikali kwa kuona umuhimu wao na kuonesha nia ya dhati  ya kuwasaidia na kuwafariji  na kwamba wanapitia kipindi kigumu kutokana na kupoteza mali zao na makazi.

Kaimu mkrugenzi wa  Halmashauri ya Jiji la Mbeya Annamary Joseph amesema  miongoni mwa vifaa na mahitaji yaliyotolewa ni pamoja na Ofisi ya Waziri Mkuu kupitia kamati ya maafa wamechangi  mahitaji mbalimbali muhimu na  wadau mbalimbali,  na kuwaomba wadua kuendelea kujitokeza kwa wingi kuwafariji wahanga hao.

Wahanga hao kwasasa wanasubiri uamuzi wa serikali na taarifa rasmi kutoka wa wataalamu  itakayoamua hatma ya wakazi hao kuendela kuishi eneo hilo au kuondoka.